各位準備緊 DSE 嘅同學應該知道，喺文憑考試成績公佈之後，同學可以修改 Jupas 課程選擇同埋報讀其他課程嘅時間好有限。唔想放榜之後有咩甩漏，同學就要做足準備。直接入到心儀學科固然開心，但讀 Asso 都係一種升學選擇。報 Asso 有咩要留意？AfterSchool 同你一文解釋晒！
目錄
甚麼是 Asso（副學士）？
副學士（英文：Associate Degree）係一個專上教育資歷，修讀年期通常係兩年。係 2021/22 學年，經本地評審嘅副學士學位課程有 371 個。
副學士課程由大學入面嘅相關學院提供，所以學習環境同大學比較接近，部分修讀副學士課程嘅學生可以去大學範圍上堂同使用大學設施。副學士畢業後，學生有機會升讀八大學士學位課程，或者自資銜接學位課程。如果想靠 Asso 升大學，記得留意下面嘅資訊！
最低入學要求
想讀副學士，文憑試其中 5 科（包括英國語文同中國語文）嘅成績需要達到第 2 級或以上，部分學科會有個別要求；
院校亦都接受其他同等學歷，包括喺本港或者境外攞到嘅非本地學歷、其他同等學歷或經驗；
而修讀完毅進文憑嘅同學，都會俾自資高等教育聯盟成員院校接納，得到旗下副學位課程嘅入學資格。
學費及資助
大部分副學位課程嘅學費都係每學期 HKD$ 2 萬中至 4 萬，而政府有為合資格嘅學生提供多項資助，例如係專上學生資助計劃、車船津貼、免入息審查貸款等，有需要嘅同學可以去學生資助處網站睇多啲詳情。另外，部分自資副學位課程都可以申請持續進修基金。
如何選擇 Asso 院校？
副學位收生學額
大家只要上返自資專上教育委員會嘅網頁，就可以喺「統計」頁面搵到「副學位收生學額」。想更詳細咁知道各間院校嘅收生人數，就可以睇返「預計收生學額」，目前網站上就可以睇到「非教資會資助及非聯招專上院校 2021/22 學年預計收生人數」。透過文件可以見到，香港大學附屬學院（HKU SPACE）同香港專上學院（PolyU HKCC）嘅收生人數比較高，分別收 3,100 同 5,080 人，不過大家都要再仔細啲睇自己心儀嘅學科收幾多人！
升大學機率
大部分院校嘅網頁都有記錄返自己學生嘅升學率，下面就簡單講吓唔同院校嘅畢業生升學情況：
| 院校 | 數據 |
| PolyU HKCC - 香港理工大學香港專上學院 |
來源：畢業生升學總覽 |
| HKU SPACE - 香港大學附屬學院 |
來源：升學統計 |
| HKBU CIE - 香港浸會大學國際學院 |
來源：升學率及升學途徑 |
各 Asso 院校收生學額
根據「iPASS」嘅資料，2021/22 學年教資會資助全日制高年級學士學位課程嘅高年級學生核准取錄人數大約係 5,000 人。當中收生學額最多嘅係香港理工大學香港專上學院（PolyU HKCC）同香港伍倫貢書院（UOWCHK）（前身為香港城市大學專上學院 / CityU CCCU），分別有 1,750 人同 1,395 人。同學揀讀邊間 Asso 院校嘅時候可以考慮埋同院校相關嘅大學每年收幾多副學士畢業生，因為喺成績相近嘅情況下，大學多數會收返由自己旗下院校嘅畢業生先。
Asso、High Diploma（高級文憑）應該如何選擇？
Asso 同 High Diploma 都係放榜後嘅升學選擇，佢哋會提供課程俾同學繼續進修，但課程嘅側重點有啲唔同。簡單嚟講，Asso 比較適合想銜接去大學學士課程嘅同學，HD 就比較適合想接受職業訓練、讀完直接出嚟搵工嘅同學，大家可以按自己嘅未來規劃揀返合適嘅課程！以下係 Asso 同 HD 幾樣重要資訊：
| Asso（副學士） | HD（高級文憑） | |
| 院校例子 |
|
|
| 課程種類 |
|
|
| 學費 | 每年 HKD$ 5 至 8 萬 | 每年 HKD$ 3 萬至 5 萬 |
| 修讀年期 | 多數為兩年 | 多數為兩年 |
| 未來出路 | 較多同學會以銜接大學學士課程為目標 | 較多同學會以為未來職業鋪路為目標 |
各院校副學士入學資訊（入學要求、報名方法、重要日子）
PolyU HKCC - 香港理工大學香港專上學院
入學要求：
基本要求係香港中學文憑考試最佳 5 科（包括英國語文同中國語文）都有第 2 級或以上。一部分課程（例如社會工作、翻譯及傳譯、公關傳訊等）有個別要求。
報名方式：
1. E-APP
應考 2022 年香港中學文憑考試任何科目嘅考生（包括重考生），必須用教育局嘅專上課程電子預先報名平台（E-APP）報名（www.eapp.gov.hk）。
2. 網上入學申請系統
無應考 2022 年香港中學文憑考試任何科目嘅申請人（即係 2020 至 2021 年香港中學文憑考試考生，或者有其他學歷嘅申請人），必須用 HKCC 網上入學申請系統（OAA）提交申請（www.hkcc-polyu.edu.hk/hkccoaa）。
重要日子：
| 第一階段申請 | 第二階段申請 |
|
優先處理報名：2021 年 12 月 9 日至 2022 年 1 月 10 日 一般處理報名：1 月 11 日至 5 月 23 日 |
5 月 27 日至 7 月 11 日 |
來源：2021/22 入學申請人須知
HKU SPACE - 香港大學附屬學院
入學要求：
基本要求係香港中學文憑考試最佳 5 科（包括英國語文同中國語文）都有第 2 級或以上。一部分課程（例如例如英國語言及文學、生物醫學、護理等）有個別要求。
報名方式：
1. E-APP
應屆中學文憑試考生可以透過 E-APP 遞交申請（不適用於報讀基礎專上教育文憑）。
2. 網上報名
網上報名嘅申請人可以填妥網上報名表，並依指示完成手續去報名（https://www1.hkuspace.hku.hk/cc/cht/admission/online-application/）。
重要日子：
| 預先申請 | |
|
E-APP： （首輪）2021 年 12 月 9 日至 2022 年 5 月 23 日 （次輪）2021 年 5 月 27 日至 7 月 11 日 |
網上報名： 2021 年 12 月 9 日至 2022 年 7 月 11 日 |
| 招生日 | |
|
第一階段：2022 年 7 月 20 日至 22 日 第二階段：2022 年 8 月 10 日至 11 日 |
|
來源：申請程序
HKBU CIE - 香港浸會大學國際學院
入學要求：
基本要求係香港中學文憑考試最佳 5 科（包括英國語文同中國語文）都有第 2 級或以上。讀音樂有額外嘅樂器要求，需要一項樂器考獲英國皇家音樂學院術科考試 8 級或同等資格。
報名方式：
1. E-APP
應屆中學文憑試考生可以透過 E-APP 遞交申請。
2. CIE（國際學院入學申請系統）
非應屆文憑試考生可以透過 CIE 遞交申請（https://cie5.hkbu.edu.hk/cieadm/application_form）。
重要日子：
| 文憑試放榜前 | 文憑試放榜日或之後 |
| 7 月 11 日前，同學可以喺 E-APP 或者 CIE 提交申請，合資格申請人可以得到條件取錄通知書，HKDSE 成績達到入學要求就可以喺 7 月 21 日確認學位。 | 7 月 11 日或之後，合資格申請人可以得到取錄通知書。 |
來源：入學申請
UOWCHK - 香港伍倫貢書院（前身為香港城市大學專上學院 / CityU CCCU）
入學要求：
基本要求係香港中學文憑考試最佳 5 科（包括英國語文同中國語文）都有第 2 級或以上。就讀商學院嘅 Associate of Business in Administration in Accountancy 有額外要求。
報名方式：
1. E-APP.
2. 網上報名
網上報名嘅申請人可以透過網頁報名（https://www.uowchk.edu.hk/study-at-uowchk/how-to-apply/ ）。
3. 郵寄
申請人可以填妥表格再用郵寄方式報名（https://www.uowchk.edu.hk/study-at-uowchk/how-to-apply/）。
4. 親身報名
申請人可以填妥表格再親身報名（https://www.uowchk.edu.hk/study-at-uowchk/how-to-apply/）。
重要日子：
用 E-APP 報名嘅同學需要喺 7 月 11 日或之前報名。
來源：How to apply
最後祝各位同學都可以順利入到心儀嘅學科喇！